همسات | وطنيات

حسبُك من ربك يا مُصلِّي إن إنت شهيد .. بقلمي / مديحه حسن

hmasat 24 نوفمبر, 2017 13:54 وطنيات رابط دائم التعقيبات (0)

حسبُك من ربك يا مُصلِّي
إن إنت شهيد
واقف بتصلي وفي الروضة
والجمعة دي عيد
وف بئر العبد فاضت روحك
والمولى شهيد
على خسة أندال خانوا رجال
قادر يخفيهم ويبيد
يكفاك من ربَّك يامٌصلِّي
إن إنت شهيد
إغتالت روحك إيد شيطان
كافر وشريد
عابد للمال وخسيس وجبان
آفه وبتزيد
متأسلم بُهتان إسلامه
عاره على جبينه
حاير متعطش لدمانا
وكلاب دافعينه
طب دم حنا ولا مينا 
ولادم شهيد ف سينا
ولاشيخ داعي وهادينا
ولافاكرين هتبيدونا

إحنا شعب إسمه السيادة
جيش ويدهس بالبيادة
على كل غادي وكل عادي
ونعلمه معنى الكرامة

كل نقطة دم سالت
من شهيد
زلزال هيدمر أعداؤه
دا المصري عنيد
وف وقت الجد تعلمنا
إمتي نكون إيد
نضرب بالحق وناخد التار
ونفل حديد
وحسبُك من ربك يا مُصلِّي
ان انت شهيد


هو دا اللي اسمه إيه .. بقلم الشاعر / جمال حلمي

hmasat 24 نوفمبر, 2017 13:38 وطنيات رابط دائم التعقيبات (0)

هو دا اللي أسمه أيه ؟ أسمه الدفاع عن الدين ..
هو دا اللي أسمه التعقب ؟ وتصفيه الفسده والمفسدين ؟ وقتلهم داخل المساجد راكعين ساجدين ....؟
حاجة تبكي... حاجة تجنن إن كنتم فعلا مسلمين 
آه يادنيا جبتي أخرك.. آه يادنيا رايحه فين 
لاعنت عارف أميز يادنيا بين رجلي الشمال من اليمين .
كل اللي شايفة دم أحمر عمال يسيل على الجانبين. 
وجثث كتيرة الله وأكبر ممزقين مقطعين 
ياحببتي يامصر ياأمي ولادك أستباحوا للمأجورين. 
مفتي الخراب يامصر ياأمي قلب شارون قلب كوهين 
باع أهله وباع ناسه وأرتمى في أحضان 
الشيخة موزة بنت اللعين 
وصار ملوث بدم طاهر شاهد عليه في الدارين 
آه يامارق آه ياخسيس الدم المصري مش رخيص ..
الكل عارف والكل فاهم الخيبة جاية من مين. وفين ..
العرب فيهم عملاء .. وخونه من زمان ومعروفين.. 
تاجروا كتير كتير بأوطانهم وقبضوا كاش 
ومفضوحين ...
والأيام بنا وبنهم وأولهم الواد اللي أسمه تميم.. 
العميل المصنف على قائمة الفجرة الخائنين ..
دم المصري كتبت نهايتك... أنت والمفتي العقيم.. 
الشاعر والمفكر جمال حلمي 
!!!!!!!!! قتل الراكعين الساجدين!!!!!!!!!!!!!!!!


ملعون أبوكم .. بقلم الشاعرة / زينب شبل

hmasat 24 نوفمبر, 2017 13:33 وطنيات رابط دائم التعقيبات (0)

ملعون. ابوكُم. كلاب

يا اعداء. الوطن. والدين

والقتل والارهاب

من طبعكُم خاينين

من امتى. كان. الثواب

القتل للساجديين

ملعون ابوكُم. كلاب

والأسم بني. ادمين

هتروحوا فين م الحساب

مالكومش ملة اأكيد ولا دين

يا قلوب وحوش وغراب

على وشكُم. جَى. بالخراب

فرقتهُ ليه أحباب

يتمتوا. كام مليون حزين

دى النار شوية. عقاب

ل وحوش ب هيئة بني أدمين

خلوا حياتنا . عذاب

وسَقونا المُر سِنين

وماحدش. منهم تاب

والكون بسببهُم كلهُ. ُ حزين

مليون حِدايه. ب وش غراب

وبيحصدوا فينا يابني. أدميين

ناويين للدنيا. على خراب

و يحاربوا ف دين و مصليين


غير مسجدك يارب .. بقلم الشاعر / على حافظ المصري

hmasat 24 نوفمبر, 2017 13:25 وطنيات رابط دائم التعقيبات (0)

غير مسجدك يارب
فيه ايه أمان تانى
الدم صار للركب
يارب رحمتك حماينى
انا جيت أصلي واذكرك
الدم راح وضانى
قلت الله أكبر اللغم اتفجر
ركعت بإسمك
والعضم متكسر
قلت سبحانك
جايلك انا طاهر
يارب ساعدنى مش قادر
ساعدنى اسجدك
ساعدنى اركعلك
قتلنى إنسان فاجر
غيرك يارب مليش حامى
قتلنى سارق روح وحرامى
انسان كافر
والدم يسيل بمسجدك
مالوش آخر
يارب حكمك يرضينى
الموت فى بيتك يكفينى
محافظ على فرضك
متمسك انا بدينى
مفيش غيرك يارب يحمينى
...........
.........حسبنا الله ونعم الوكيل .اللهم ارحم شهداء مسجد الروضة اليوم 24 نوفمبر وجميع شهدائنا الأبرار


لما تقول أمان .. بقلم الشاعرة / داليا اياد

hmasat 24 نوفمبر, 2017 13:14 وطنيات رابط دائم التعقيبات (0)

لما تقول امان وسلام يعني مصر ام الحنان 
فيها كتير وضمى انين ولوعة وموت من الخاينين 
مين قال يا جبان انك من البني أدمين ولا اساسا ليك دين 
ده انت ملعون من رب الكون وعليك غضبه لحد الموت 
فاكر نفسك ليك جمعات ده انت وهما من الحثالات 
كومة مركونه بحبة طين 
قاتل وخاين ومن الكافرين 
تقتل سيدك وتتوضي بدم المحبين 
عليك اللعنه ليوم الدين 
مصر المحبه مصر السلام 
مصر كنيسه مع الامام 
مصر قوية بالرجال 
مصر الازهر والأقباط 
صليب وهلال دنيا ودين 
ديانه معروفه واحده ومربوطة بجد ومعروفه
انت فاكر نفسك مين 
اوعي تقول من اهل الدين 
ده انت كافر ارهابي عويل 
مصر هتبقي غصبن عنك 
وعن اسيادك ليوم الدين 
رجلها قويه نسائها عفيه 
تجيب وتربي وتقدهم هديه
مهما تعمل يا خاين هتفضل مصر 
للعمر ابيه 


صورة مسروقة .. بقلم الشاعر / شداد ابوعمر

hmasat 21 نوفمبر, 2017 04:37 وطنيات رابط دائم التعقيبات (0)

صوره بتوصف
وجع فيها بجد
كادر باهت 
لبيت. مهجور
وأجمل ليالي 
بتتحكي 
ذكريات
في سطور
الصوره مسروقه 
من سنين العمر
وتراب الزمن مغطيها
سفينه الأيام 
وسط الرياح 
والسطو. والسفاح
تاهت مراسيها
لا الطير بطل يغرد
ولا الكلب بطل نباح
آن الآوان للغروب 
يرحل 
ويتولد م العتمه الف صباح
آن الآوان ان الحمول ترتاح

والولد
مستني بكره
هييجي الفجر
بكره ورا. بكره
ورا بكره 
قابض علي حلمه
كيف الجمر
واتسرقت الفكره
وسط الميدان

توهان 
في دنيا كلها حرمان
آن الآوان 
نحاسب الجلاد
ونحاكم الكرباج والكف
والرحايه اللي 
دهست عضمنا
تبطل لف
آن الآوان يفوق سكرانك
وعليلك يخف

يا ضهر ياحمال
يا منجلد
توضع لصبرك حد
أنت اللي صانع عبورك
وأنت اللي باني السد
يا أيدين يا متكتفه
وفي سجنها
تزرع عيدان الورد 
مين علم الولد
أصول الهم والحزن و الجد
مين علم الولد
الصبر والاحتمال 
مستني من 100 سنه
كبر الولد عوده أنحني
والحيل أكيد أتهد


1 2 3 ... 34 35 36  التالي»


© 2006 - Design by Omar Romero (all rights reserved)
استضافة مجانية من موقع مدونات عبر! | الموقع غير مسؤول عن محتويات المدونة، فقط صاحب المدونة يتحمل كامل المسؤولية عن مضامينها | التبليغ عن مخالفة | سياسة الخصوصية |نسخة الموبايل