همسات

شعر فصحي ، وشعر عامية ، خواطر ، قصة قصيرة

من غير حدود
ملامحنا ساكنه جوا منا
بتترسم من غير حدود
لو مره ليك أو مره ليَّا
يتخلق جوانا أكتر من وجود
نفس الملامح هاربه مِني
ساكنه فيك
وإن يوم عكسنا الصوره 
آجي أشوفها تبقى ليك
وكإني من مهدي ل لحدي
ما إتخلقت إلا ليك
ولاعمر الروح لغيرك
تهوى تعشق غير عنيك
وحتي لو يعز بينَّا 
يوم كلام
ويطول بعادنا حتى
ويطول الخصام
لساه معاك القلب 
حاسس بالأمان
وإن يوم فارقنا العمر 
عمره مايكون الوداع
أرواحنا باقيه ساقيه
نبض الكون حنان
من غير حدود

تحت تصنيف : شعر

التعليقات

إضافة تعليق