بنسى كلامي .. بقلم الشاعر / إبراهيم فاضل

بنسى كلامي .. بقلم الشاعر / إبراهيم فاضل

hmasat 12 سبتمبر, 2017 20:25 شعر رابط دائم التعقيبات (0)

لما بقابلك بنسي كلامي
ومهما اكتب لك أنسي كلامي
أيام وسنين وأنا كاتم حبي
وأجي أقولك .. أنسي كلامي
وأقول في خيالي
إنك شمسي وإنك ضلي
أنك نهر في قلبي بيجري
بس يا قلبي بنسي كلامي
لما بقابلك.. بنسي كلامي
-----------------------------------------
أنا حاسس أنك بتقول لي
ده مفيش في الدنيا غيرك أنت
أما كلامك ده مش أنت
ياللي أنا حاسس إنك مني
ياللي أنا شايفك جوه النني
بكفاية بقى .. طمني وقل لي
قل لي إزاي أنا هقدر أقول لك
إني بحبك وأنت بتتقل ليل ونهار
بس يا قلبي بنسي كلامي
لمَّا بقابلك ..بنسى كلامي
------------------------------------------
كل الناس بيلوموا حناني
وانت البسمة في كل زماني
وأنت النور اللي في أكواني
وأنت المعنى في كل حروف الحب يا قلبي
آه لوتعرف إزاي ضلك عايش جنبي 
كنت هتعذر قلبي ياقلبي
بس يا قلبي بنسي كلامي
لما بقابلك.. بنسي كلامي
------------------------------------------
لا .. مش إنت اللي تعذبني
لا.. ولا إنت في يوم هتسيبني
أنا عودت حياتي خلاص
على أحلامك ليل ونهار
على ترنيمك لما بيعزف على الأوتار 
وانت يا قلبي هواك جبار
عارف إني بحبك لكن.. ولا على بالك
بكره يا قلبي هواك يحتار
بكره هتعرف إن الحب ده عالم تاني 
عالم نسكن فيه وحدينا
بكره تقول نبنيه بإيدينا
بس يا قلبي بنسي كلامي 
لما بقابلك.. بنسي كلامي
ومهما اكتب لك ..بنسى كلامي


التعليقات


إضافة تعليق



إضافة تعليق


© 2006 - Design by Omar Romero (all rights reserved)
استضافة مجانية من موقع مدونات عبر! | الموقع غير مسؤول عن محتويات المدونة، فقط صاحب المدونة يتحمل كامل المسؤولية عن مضامينها | التبليغ عن مخالفة | سياسة الخصوصية |نسخة الموبايل