ياسلام ياسلام .. بقلم الشاعر / منير خاطر

ياسلام ياسلام .. بقلم الشاعر / منير خاطر

مشاركةبواسطة hmasat في : 26 مايو 2018

مديحه حسن رئيس مجلس الادارة
كاتب شعر فُصحى وعامية وخواطر وقصة قصيرة

ياسلام .. ياسلام 
أما انا شفت الليله منام
خير والصلاة على النبى
ربك بيحقق مطلبى
قال إيه العدل لكل الناس 
ولا حد بالرجلين ينداس
مفيش غنى ولا فيه فقير
ولا ده شويه و ده كتير 
ولا بالحسب ولا بالنسب 
بالجهد الإنسان يكتسب 
ولا فيه جماعه يقبضوا ملايين 
وجماعه تانيين نايمين جعانين
لاتقول مذيع ولا لعيب كوره 
الكل متساوى فى الصوره 
والمظلوم بياخد حقه 
والظالم مضروب على بقه
من الكناس حتى الرئيس 
العدل يمشى بدون تهجيص
محدش كومو أكبر من كومك 
لو تحقد الكل يلومك
ولا واسطه ولا حتى كروت 
كل شيئ ماشى بالمظبوط 
ولا له ميزه علشان البيه
ولا رقاصه متصله عليه
ولا فيه سلكنى واسلكك 
ما يعيبك إلا مسلكك
وكل العالم حابين بعض
والدنيا ملانا فرح وسعد 
ياسلام ..ياسلام 
أما انا شفت الليله منام 

مديحه حسن رئيس مجلس الادارة
كاتب شعر فُصحى وعامية وخواطر وقصة قصيرة

صورة العضو الشخصية
hmasat
 
المكان:مصر
الجنس: أنثى